Guzar Na Jae Samaat Ke Sard-Khanon Se

guzar na jae samaat ke sard-khanon se

ye bazgasht jo chipki hui hai kanon se

khara nahin tha magar aisa raegan bhi na tha

wo sikka DhunD ke ab laun kin khazanon se

ye chashm-e-abr ka pani ye naKHl-e-mehr ke pat

utar raha hai mera rizq aasmanon se

jo dar khule hain kabhi band kyun nahi hote

ye puchta hi kahan hai koi makanon se

utar phenka badan se libas tak 'shariq'

magar ye bojh ki hatta nahi hai shanon se