Har Lehza Hai Momin

Poet: Allama Iqbal By: ساجد حمید, Rawalpindi

Har Lehza Hai Momin Ki Nayi Shaan Nayi Aan
Guftar Mein Kirdar Mein ALLAH Ki Burhan

Qahari o Ghaffari o Quddusi or Jabaroot
Ye Chaar Anasir Hon To Banta Hai Musalman

Hamsaya Jibreel e Ameen Banda KHaaki
Hai Us Ka Nasheman Na Bukhara Na Badakhshan

Ye Raaz Kisi Ko Nahin Maloom Keh Momin
Qaari Nazar Aata Hai Haqeeqat Mein Hai Qur’an

Qudrat Ke Maqasid Ka Ayar Us Ke Irade
Dunya Mein Bhi Meezan Qayamat Mein Bhi Meezan

Jis Se Jigar Lala Mein Thandak Ho Woh Shabnam
Daryaaon Ke Dil Jis Se Dehel Jaayen Wo Toofan

Fitrat Ka Sarod e Azli Is Ke Shab o Roz
Aahang Mein Yakta Sift Surah Rehman

Bante Hain Meri Kar Gah e Fikar Mein Anjum
Lay Apne Muqaddar Ke Sitare Ko Tu Pehchaan

Rate it:
Views: 240
12 May, 2022
Related Tags on Allama Iqbal Poetry
Load More Tags
More Allama Iqbal Poetry
Popular Poetries
View More Poetries
Famous Poets
View More Poets