Har Wele Tanga Ziyadi
Poet: خواجہ غلام فرید
آ پہنتم جیندی مکے ۔اینہی شہر مبارک بکے ۔
واہ دیس عرب دآں چالیں ۔خوش ترہیں خوب خسالیں ۔
گئیاں وسر وطن دیاں گالھیں ۔کیا کھویش قبیلے سکے ۔
ہے لذت وادھو وادھی ۔ہے ہر دم ڈوڑی شادی ۔
ہر ویلے تانگھ زیادی ۔کئی ہارے تے کئی تھکے ۔
ہن پتھر سیجھ پھلاں دی ۔ہے دھوڑی طول گلاں دی ۔
شب بعد صبا من بھاندی ۔تا صبح جھلیندی پکھے ۔
امگور ہزار متیرن ۔خربوزے پنڈ کسیرن ۔
رمان شگیر کبیرن ۔چن دانے ماروں پھکے ۔
ہے ملک مکدس نوری ۔ہے جنت حور قصوری ۔
بن عاشق پاک حضوری ۔پیا کون قدم اتھے رکھے ۔
ونج ڈٹھم مدینہ عالی ۔جتھّ کونو مکان دا والی ۔
ہے دھرتی عیبوں خالی ۔پیا نور رسالت چھکے ۔
کیوں وسرن یار دے دیرے ۔تھیا اکھیاں رو رو بیرے ۔
دم جیندیں کرسوں پھیرے ۔یا لد بحثوں آ پکے ۔
توڑے لگدے دھکے دھکے ۔آکھ ول ول یار ڈوں تکے ۔
تن آگ محبت بخے ۔دل دردوں لزت چکھے ۔
ہے سخت شدید آزانری ۔کرے کون فرید دی کاری ۔
تھئے بھنلے نالے جاری ۔دل سوزوں بھجّ بھجّ پکے ۔
Har Wele Tanga Ziyadi Poetry - Urdu poetry is filled with so many emotions and insights. Just like this couplet of Khwaja Ghulam Farid poetry in which says Har Wele Tanga Ziyadi. You will find 2 lines and ghazals in image & text form on Khwaja Ghulam Farid shayari. Within the vast realm of Urdu poetry, you'll discover a diverse spectrum of themes like sad, love, friendship, mother, father and Islam. Renowned poets such as Allama Iqbal, John Elia, Ahmad Faraz, and Mirza Ghalib has beautifully written Urdu shayari about these timeless themes.