Ishq-e-Khuda

Hosh Walon Se Kahan Tarz-E-Adaa Pao Gay
Ishq Ka Jaam Peo Hosh Men Kya Pao Gay

Kuch To Barh Jye Gi Ye Be-Khudi Qatra Qatra
Jism Mein Khoon Ki Har Boond Wafa Pao Gay

Apni Hasti Ko Mitanay Ki Tamanna To Karo
Kabhi Her Shae Mein Kabhi Khud Mein Khuda Pao Gay

Apnay Maathay Pe Saja Lo Har Ik Pathar Ki Zarb
Ishq Ker Baithay Ho Lazim Hai Saza Pao Gay

Us Se Her Saans Ki Waabastagi Rakh Lo 'Gill'
Saans Ruknay Ka B Kuch Aur Maza Pao Gay