Jab Madine Ki Faza Main

​Jab Madine ki Faza me Be-qarar Aa Jayega
Tab Naseem-e-Faiz se Dil ko Qarar Aa Jayega

Jab Nigaho k Qareeb Unka Mazaar Aa Jayega
Jurm ki Bakhshish ka Dil me Aitbar Aa Jayega

Wo Na Daman ko hawa Dega kisi Dehleez par
Jo Dar-e-Doulat pe unke ek bar Aa jayega

Sab humare sar se lenge Daman-e-Bakhshish Samet
Phir Tere Daman pe sab dar-o-Madaar Aa jayega

Aur kise apni Pukaro se Gharaz hogi waha(n)
Ek wohi to hai jo ho ke Be-qarar Aa jayega

Hashr me chhat jayenge us waqt Badal Khouf ke
jis Ghari maida(n) me Ummi Taajdaar Aa jayega

Apne Sajdo ki khatayen bakhsh di jayengi sab
halat-e-Sajda me jab wo Ashk baar aa jayega

Sab ke sar Kohe-mihan honge nazar tujh par Shaha
ek Jaan-e-be-khata pe kitna baar Aa jayega

Kiska munh dekhega najdi sochiye phir hashr me
jab unhi ke hath me sab ikhtiyaar Aa jayega

Hum Agr jo naam le(n) Ahmad Raza ka Aaj bhi
Najd ki Duniya me Toofa(n) zor daar aa jayega

Ya ilahi bakhsh de ''Sayyed'' ko Roz-e-Hashr Tu
Kab ise Apni Khatao(n) ka Shumaar Aa jayega