Jab Pyar Nahin Hai To Bhula Kyun Nahin Dete

Jab Pyar Nahin Hai To Bhula Kyun Nahin Dete
Khat Kis Liye Rakkhe Hain Jala Kyun Nahin Dete

Rah Rah Ke Na Tadpao Ai Be-Dard Masiha
Hathon Se Mujhe Zahr Pila Kyun Nahin Dete

Kis Waste Likkha Hai Hatheli Pe Mera Nam
Tum Mere Nahin Ho To Bata Kyun Nahin Dete

Lillah Shab-O-Roz Ki Uljhan Se Nikalo
Hasrat Ko Nigahon Se Gira Kyun Nahin Dete

Jab Uski Wafaon Pe Yaqin Tumko Nahin Hai
Main Harf-E-Ghalat Hun To Mita Kyun Nahin Dete