Kahaan Nahi Hai

Mehak Mein Saary Huroof Dhoo Kar
Qalam Ko Bhi Ijaz Mein Dubo Kar

Sana-E-Rab-E-Jaleel Likhoon
Taveel Tar Se Taveel Tar Likhoon

Jamal Likhoon Jameel Likhoon
Usi Ko Us Ki Daleel Likhoon

Kahaan Nahi Tha Kahaan Nahi Hai
Mujhe Bata Wo Jahan Nahi Hai

Azal Se Hai Ta Abad Rahy Ga
Wo Aap Apni Sanad Rahy Ga

Wohi To Hai La-Shreek-O-Yakta
Wo Sub Ka Khaliq Wo Sab Ka Aaqa

Rahi-O-Rehman Sifaat Uski
Bari Karim Hai Zaat Uski