Kis Se Izhar e Mudda Kijiye

Kis Se Izhar e Mudda Kijiye
Ap Milte Nahi Hain Kya Kijiye

Ho Na Paya Ye Faisla Ab Tak
Ap Kya Kijiye To Kya Kijiye

Ap The Jis Ke Chara Gar Wo Jawaan
Sakht Bemar Hai Dua Kijiye

Ek Hi Fun To Hum Ne Seekha Hai
Jis Se Miliye Usey Khafa Kijiye

Hai Taqaza Mri Tabyat Ka
Har Kisi Ko Charagh Pa Kijiye

Rang Har Rang Mein Hai Daad Talab
Khoon Thukoon To Wah Wah Kijiye

Hai To Baare Ye Alam e Asbab
Be Sabab Cheekhne Laga Kijiye

Aaj Hum Kya Gila Karen Is Se?
Gila e Tangi e Quba Kijiye

Zindagi Ka Ajab Muamla Hai
Ek Lamhe Mein Faisla Kijiye

Mujh Ko Adat Hai Rooth Jane Ki
Ap Mujh Ko Mana Lya Kijiye

Milte Rahiye Isi Tapak Ke Saath
Bewafai Ki Inteha Kijiye

kohkan ko hai khud-kushi khwahish
shah-bano se iltija kije

mujh se kahti thin wo sharab aankhen
aap wo zahar mat piya kije

rang har rang mein hai dad-talab
khun thukun to wah-wa kije