Lab Pe Aati Hai Dua Lyrics

Lab pe aati hai dua ban ke tamanna meri
Zindagi shamma ki surat ho Khudaya meri

Door dunya ka mere dam se andhera ho jaye
Har jagha mere chamakne se ujala ho jaye

Ho mere dam se yunhi mere watan ki zeenat
Jis tarha phool se hoti hai chaman ki zeenat

Zindagi ho meri parwane ki surat ya Rabb
Ilm ki shamma se ho mujh ko mohabbat ya Rabb

Ho mera kaam gharibon ki himayat karna
Dardmando se za'eefon se mohabbat karna

Mere allah burai se bachana mujhko
Naik jo rah ho, ussi reh pe chalana mujhko