Meda Ishq Vi Toon Meda Yaar Vi Toon
Poet: Khwaja Ghulam Farid By: Rehan, KarachiMeda Ishq Vi Toon Meda Yaar Vi Toon
Meda Deen Vi Toon Eeman Vi Toon
Meda Jism Vi Toon Meda Rooh Vi Toon
Meda Qalb Vi Toon Jind Jaan Vi Toon
Meda Kaba Qibla Masjid Mimbar
Mushaf Te Quran Vi Toon
Mede Farz Fareezay, Hajj, Zakataan
Soum Salaat Azaan Vi Toon
Meri Zohd Ibadat Ta’at Taqwa
Ilm Vi Toon Irfan Vi Toon
Mera Zikr Vi Toon Meda Fikr Vi Toon
Mera Zouq Vi Toon Wajdan Vi Toon
Meda Sanwal Mithra Shaam Saloona
Mun Mohan Janaan Vi Toon
Meda Murshid Haadi Peer Tareeqat
Shaikh Haqaa’iq Daan Vi Toon
Meda Aas Ummed Te Khattaya Wattaya
Takia Maan Taran Vi Toon
Mera Dharam Vi Toon Meda Bharam Vi Toon
Meda Sharam Vi Toon Meda Shaan Vi Toon
Meda Dukh Sukh Ro’wan Khilan Vi Toon
Meda Dard Vi Toon Darmaan Vi Toon
Mda Khushiyan Da Asbaab Vi Toon
Mede Soolaan Da Samaan Vi Toon
Mera Husn Te Bhaag Suhaag Vi Toon
Meda Bakht Te Naam Nishaan Vi Toon
Meda Ishq Vi Toon Meda Yaar Vi Toon
Meda Deen Vi Toon Eeman Vi Toon
Meda Jism Vi Toon Meda Rooh Vi Toon
Meda Qalb Vi Toon Jind Jaan Vi Toon
Meda Kaba Qibla Masjid Mimbar
Mushaf Te Quran Vi Toon
Meda Ishq Vi Toon Meda Yaar Vi Toon
Meda Deen Vi Toon Eeman Vi Toon
Meda Ishq Vi Toon Meda Yaar Vi Toon
Meda Dekhan Bhalan Jachan Jochan
Samjhan Jaan Sunjaan Vi Toon
Mede Thadray Saah Te Monjh Munjhari
Hanjroon De Tofaan Vi Toon
Mede Tilk Tilo’ay Seendhaan Mangaan
Naaz Nihoray Taan Vi Toon
Medi Mehdni Kajal Misaag Vi Toon
Medi Surkhi Beera Paan Vi Toon
Meda Ishq Vi Toon Meda Yaar Vi Toon
Medi Wehshat Josh Junoon Vi Toon (Aaa)
Meda Garya Aa’h O Faghan Vi Toon (Aaa)
Meda Awwal Aakhir Andar Bahir
Zahir Te Pinhaan Vi Toon Tooon
Meda Ishq Vi Toon Meda Yaar Vi Toon
Aaaa Meda Waal Aakhir Andar Baahir
Zahir Te Pinhaan Vi Toon
Meda Badal Barkha Khimniyan Gajaan (Aaa)
Barish Te Baraan Vi Toon
Meda Mulk Malir Te Maro Khalra
Rohi Cholistaan Vi Toon
Je Yaar Farid Qabool Karay
Srikaar Vi Toon Sultaan Vi Toon
Na Taan Kehtar Kamtar Ahqar Adna
La-Shay La-Imkaan Vi Toon
Meda Ishq Vi Toon Meda Yaar Vi Toon
Meda Ishq Vi Toon Meda Yaar Vi Toon.
سب ڈکھاں سولاں دی تات ملم ۔غم درد، اندوہ، برات ملم ۔
بھیڑے ڈکھڑیں مار منجھائم ڑی ۔
سوہنا ہوت پنل چھڈّ کیچ گیا ۔گل سوز فراق دا پیچ پیا ۔
جو لکھیا پلڑے پائم ڑی ۔
ڈکھاں تھل مارو آ پیش گیا ۔دل جان جگر تن ریش گیا ۔
تتی عشقَ اولڑا لائم ۔
منہجا یار پنل چھڈّ کیچ رٹھا ۔سر جلمیں نینہ جو میہہ وٹھا ۔
ربّ ایڑھے بار سہائم ڑی ۔
ہک وار فرید نوں یار ملے ۔سرو پنڈ ہجر دا بار ٹلے ۔
جیندے کارن امر گنوائم ڑی ۔
واہ دیس عرب دآں چالیں ۔خوش ترہیں خوب خسالیں ۔
گئیاں وسر وطن دیاں گالھیں ۔کیا کھویش قبیلے سکے ۔
ہے لذت وادھو وادھی ۔ہے ہر دم ڈوڑی شادی ۔
ہر ویلے تانگھ زیادی ۔کئی ہارے تے کئی تھکے ۔
ہن پتھر سیجھ پھلاں دی ۔ہے دھوڑی طول گلاں دی ۔
شب بعد صبا من بھاندی ۔تا صبح جھلیندی پکھے ۔
امگور ہزار متیرن ۔خربوزے پنڈ کسیرن ۔
رمان شگیر کبیرن ۔چن دانے ماروں پھکے ۔
ہے ملک مکدس نوری ۔ہے جنت حور قصوری ۔
بن عاشق پاک حضوری ۔پیا کون قدم اتھے رکھے ۔
ونج ڈٹھم مدینہ عالی ۔جتھّ کونو مکان دا والی ۔
ہے دھرتی عیبوں خالی ۔پیا نور رسالت چھکے ۔
کیوں وسرن یار دے دیرے ۔تھیا اکھیاں رو رو بیرے ۔
دم جیندیں کرسوں پھیرے ۔یا لد بحثوں آ پکے ۔
توڑے لگدے دھکے دھکے ۔آکھ ول ول یار ڈوں تکے ۔
تن آگ محبت بخے ۔دل دردوں لزت چکھے ۔
ہے سخت شدید آزانری ۔کرے کون فرید دی کاری ۔
تھئے بھنلے نالے جاری ۔دل سوزوں بھجّ بھجّ پکے ۔
عشقَ اویڑے دشمن ویڑے ۔سسّ نناناں کرم بکھیڑے ۔
امڑی جڑ جڑ لاوم جھیڑے ۔بابلی ویر ن بھادی ہاں ۔
کھیڑے بھیڑے سخت ستاون ۔نیڑے وسدے مارن آون ۔
سنگیاں سرتیاں تہمت لاون ۔کلھڑی پئی کرلاندی ہاں ۔
سیجھ سڑیندی لمبے لیندی ۔گانے گہنے پھل ن پیندی ۔
طول تلیندی چوڑ جلیندی ۔روندی تے غم کھاندی ہاں ۔
ڈکھڑے پانواں نینہ نبھاواں ۔توں بن کینوں کوک سناواں ۔
تپدیں کھپدیں وقت ونجاواں ۔ول ول جھوکاں جاندی ہاں ۔
مولا جھوکاں پھیر وسیسی ۔سارا روگ اندر دا ویسی ۔
یار فرید انگن پوں پیسی ۔ڈیسم بانہہ سراندیاں ۔
توں بن مول ن سہندیاں واہیں ۔سن دل نال تاں گالھ اکھائیں ۔
پربھت دھاراں روہ گھنیڑے ۔جتھ لانگھے جتھ تھیوم وہیرے ۔
بے شک دردمنداں دے دیرے ۔جتھ تھلڑا جتھ سنجڑیاں جانہیں ۔
ہک پل عیش ن پائم گھر وچّ ۔گزری ساری عمر سفر وچّ ۔
پوندے سو سو پور اندر وچّ ۔یاربّ یار دے دیس وسائیں ۔
جاں ڈیکھاں جھڑّ مینہہ کن من کوں ۔روواں کر کر یاد سجن کوں ۔
اکھیاں بلکن منہ ڈیکھن کوں ۔گل لانون کوں تھپکن باہیں ۔
واٹ نہاراں کانگ اڈاراں ۔پنڈت جوسی دے کن کھاواں ۔
سو پنج ہاراں فالاں پاواں ۔اؤسی میڈا یار کڈاہیں ۔
میں بدناں کہیں بھیم بھرم دا ۔تونہی صاحب لاج شرم دا ۔
زور فرید کوں تیڈڑے دم دا ۔لگڑی ساول توڑ نبھائیں ۔
کئی بگڑیاں، کئی ساویاں پیلیاں ۔کئی بھوریاں کئی پھکڑیاں نیلیاں ۔
کئی اودیاں گلنار ۔کٹوئیا رتیاں نی وے ۔
بار تھئی ہے رشک ارم دی ۔سکّ سڑ گئی جڑھ ڈکھّ تے غم دی ۔
ہر جا باغ بہار ۔ساکھاں چکھیاں نی وے ۔
پیلوں ڈیلیاں دیاں گلزارا ۔کہیں گل ٹوریاں کہی سر کھاریاں ۔
کئی لا بیٹھیاں بار ۔بھر بھر پچھیاں نی وے ۔
جال جلوٹیں تھئی آبادی ۔پل پل خوشیاں دم دم شادی ۔
لوکی سہنس ہزار ۔کل نے پکھیاں نی وے ۔
حوراں پریاں ٹولے ٹولے ۔حسن دیاں ہیلاں برہوں دے جھولے ۔
راتیں ٹھنڈیاں ٹھار ۔گوئلیں تتیاں نی وے ۔
رکھدے ناز حسن پرور وے ۔اتھرو تیغ تے تیر نظر دے ۔
تیز تکھے ہتھیار ۔دلیاں پھٹیاں نی وے ۔
کئی ڈیون انّ نال برابر ۔کئی گھن آون ڈیڈھے کر کر ۔
کئی ویچن بازار ۔تلیاں تکیاں نی وے ۔
کئی دھپّ وچّ وی چندیاں رہندیاں ۔کئی گھن چھان چھنویرے بہندیاں ۔
کئی چن چن پئیاں ہار ۔ہٹیاں تھکیاں نی وے ۔
ایڈوں اشوے گمزے نخرے ۔اوڈوں یار کھرائتی بکرے ۔
کسن کان تیار ۔رانداں رسیاں نی وے ۔
پیلوں چندیں بوچھن لیراں ۔چولا وی تھیا لیر کتیراں ۔
گلڑے کرن پچانر ۔سنگیاں سکیاں نی وے ۔
آئیاں پیلوں چنن دے سانگے ۔اوڑک تھئیاں پھریدن وانگے ۔
چھوڑ آرام قرار ۔ہکیاں بکیاں نی وے ۔
ﮐﻮﺋﯽ ﻣﺤﺮﻡ ﺭﺍﺯ ﻧﮧ ﻣِﻠﺪﺍ
ﻣﻨﮧ ﺩﮬﻮﮌ ﻣﭩﯽ ﺳﺮ ﭘﺎﺋﻢ
ﺳﺎﺭﺍ ﻧﻨﮓ ﻧﻤﻮﺩ ﻭﻧﺠﺎﺋﻢ
ﮐﻮﺋﯽ ﭘﭽﮭﻦ ﻧﮧ ﻭﯾﮍﮬﮯ ﺍٓﺋﻢ
ﮨﺘﮭﻮﮞ ﺍﻟﭩﺎ ﻋﺎﻟﻢ ﮐﮭﻠﺪﺍ
ﮔﯿﺎ ﺑﺎﺭ ﺑﺮﮨﻮﮞ ﺳﺮ ﺑﺎﺭﯼ
ﻟﮕﯽ ﮨﻮ ﮨﻮ ﺷﮩﺮ ﺧﻮﺍﺭﯼ
ﺭﻭﻧﺪﯼ ﻋﻤﺮ ﮔﺰﺍﺭﯼ ﺳﺎﺭﯼ
ﻧﮧ ﭘﺎﺋﻢ ﮈﺱ ﻣﻨﺰﻝ ﺩﺍ
ﻝ ﯾﺎﺭ ﮐﯿﺘﮯ ﮐُﺮ ﻻﻭﮮ
ﺗﮍ ﭘﺎﻭﮮ ﺗﮯ ﻏﻢ ﮐﮭﺎﻭﮮ
ﮈﮐﮫ ﭘﺎﻭﮮ ﺳﻮﻝ ﻧﺒﮭﺎﻭﮮ
ﺍﯾﮩﻮ ﻃﻮﺭ ﺗﯿﮉﮮ ﺑﯿﺪﻝ ﺩﺍ
ﮐﺌﯽ ﺳﮩﻨﺲ ﻃﺒﯿﺐ ﮐﻤﺎﻭﻥ
ﺳﮯ ﭘﮍﯾﺎﮞ ﺟﮭﻮﻝ ﭘﻼﻭﻥ
ﻣﯿﮉﮮ ﺩﻻ ﺩﺍ ﺑﮭﯿﺪ ﻧﮧ ﭘﺎﻭﻥ
ﭘﻮﻭﮮ ﻓﺮﻕ ﻧﮩﯿﮟ ﮨﮏ ﺗِﻞ ﺩﺍ
ﭘﻨﻮﮞ ﮨﻮﺕ ﻧﮧ ﮐﮭﮍ ﻣﮑﻼﯾﺎ
ﭼﮭﮉ ﮐﻠﮩﮍﯼ ﮐﯿﭻ ﺳﺪﮬﺎﯾﺎ
ﺳﻮﮨﻨﮯ ﺟﺎﻥ ﭘﭽﮭﺎﻥ ﺭﻻﯾﺎ
ﮐﻮﮌﺍ ﻋﺬﺭ ﻧﺒﮭﺎﺋﻢ ﮔﮭﻞ ﺩﺍ
ﺳﻦ ﻟﯿﻠﯽٰ ﺩﯾﮩﺎﻧﮩﮧ ﭘﮑﺎﺭﮮ
ﺗﯿﮉﺍ ﻣﺠﻨﻮﮞ ﺯﺍﺭ ﻧﺰﺍﺭﮮ
ﺳﻮﮨﻨﺎ ﯾﺎﺭ ﺗﻮ ﻧﮯ ﮨﮏ ﻭﺍﺭﮮ
ﮐﮉﯾﮟ ﭼﺎ ﭘﺮﺩﮦ ﻣﺤﻤﻞ ﺩﺍ
ﺩﻝ ﭘﺮﯾﻢ ﻧﮕﺮ ﮈﻭﮞ ﺗﺎﻧﮕﮭﮯ
ﺟﺘﮭﺎﮞ ﭘﯿﻨﺪﮮ ﺳﺨﺖ ﺍﮌﺍﻧﮕﮯ
ﻧﮧ ﺭﺍﮦ ﻓﺮﯾﺪ ﻧﮧ ﻻﻧﮕﮭﮯ
ﮨﮯ ﭘﻨﺪﮪ ﺑﮩﻮﮞ ﻣﺸﮑﻞ ﺩﺍ
