Mera Raaz e Dil Aashkara Nahin

Mera Raaz-E-Dil Aashkaara Nahin
Woh Dariya Hun Jis Ka Kinaara Nahin

Woh Gul Hun Juda Sab Se Hai Jis Ka Rang
Woh Bu Hun Ki Jo Aashkaara Nahin

Woh Paani Hun Sheerin Nahin Jis Mein Shor
Woh Aatish Hun Jis Mein Sharaara Nahin

Bahut Zaal-E-Duniya Ne Deen Baaziyan
Main Woh Naujawaan Hun Jo Haara Nahin

Jahannam Se Hum Be-Qaraaron Ko Kya
Jo Aatish Pe Thehre Woh Paara Nahin

Faqeeron Ki Majlis Hai Sab Se Juda
Ameeron Ka Yaan Tak Guzaara Nahin

Sikandar Ki Khaatir Bhi Hai Sadd-E-Baab
Jo Dara Bhi Ho To Madara Nahin

Kisi Ne Teri Tarah Se Aey ‘Anees
Urus-E-Sukhan Ko Sanwaara Nahin