Mujh Se Bantaa Hua To Tujh Ko Banata Hua Mein
Poet: Ammar Iqbal
مجھ سے بنتا ہوا تو تجھ کو بناتا ہوا میں
گیت ہوتا ہوا تو گیت سناتا ہوا میں
ایک کوزے کے تصور سے جڑے ہم دونوں
نقش دیتا ہوا تو چاک گھماتا ہوا میں
تم بناؤ کسی تصویر میں کوئی رستہ
میں بناتا ہوں کہیں دور سے آتا ہوا میں
ایک تصویر کی تکمیل کے ہم دو پہلو
رنگ بھرتا ہوا تو رنگ بناتا ہوا میں
مجھ کو لے جائے کہیں دور بہاتی ہوئی تو
تجھ کو لے جاؤں کہیں دور اڑاتا ہوا میں
اک عبارت ہے جو تحریر نہیں ہو پائی
مجھ کو لکھتا ہوا تو تجھ کو مٹاتا ہوا میں
میرے سینے میں کہیں خود کو چھپاتا ہوا تو
تیرے سینے سے ترا درد چراتا ہوا میں
کانچ کا ہو کے مرے آگے بکھرتا ہوا تو
کرچیوں کو تری پلکوں سے اٹھاتا ہوا میں
Mujh Se Bantaa Hua To Tujh Ko Banata Hua Mein Poetry - Urdu poetry is filled with so many emotions and insights. Just like this couplet of Ammar Iqbal poetry in which says Mujh Se Bantaa Hua To Tujh Ko Banata Hua Mein. You will find 2 lines and ghazals in image & text form on Ammar Iqbal shayari. Within the vast realm of Urdu poetry, you'll discover a diverse spectrum of themes like sad, love, friendship, mother, father and Islam. Renowned poets such as Allama Iqbal, John Elia, Ahmad Faraz, and Mirza Ghalib has beautifully written Urdu shayari about these timeless themes.