Musharaf K Naam

Laal Masjid Ko Tum Ne Laal Kia
Madrason Ko Bhi Payemaal Kia

Talaba,Talibaat O Ghazi Ka
Kis Qadar Zulm Se Qital Kia

Halaak Kon Hay Shaheed Hay Kon
Sab Ne Bas Aik Hi Sawaal Kia

Apne Logon Ka Khoon Dono Taraf
Tum Hi Batlao Ye Kamal Kia?

Ab Na Meenar O Gunbad O Mehrab
Khoob Islam Ka Zawaal Kia

Lag Gayee Hay Azaan Pe Pabandi
Aur Aazad Sur Wo Taal Kia

Jaise Larnee Ho Jange Aazadi
Itna Taaqat Ka Istimaal Kia

Is Lahoo Se Ho Iqtidaar Ka Tool
 Tum Ne Kaisa Ghalat Khayaal Kia

Is Se Barh Kar Kia Qayamat Ho
Tum Ne Jab Khud Ko Hi Dajaal Kia

Is Zameen Ke Khuda Ko Khush Kar Ke
 Asli Aaqa Ko Pur Malaal Kia

Kitne Bachchon Ke Khoon Se Zinda
Apna Lakht E Jigar Bilaal Kia

Kuch Watan Ka Bhi Ae Musharraf Soch
Rizq E Bush Ko Sada Halaal Kia