Mushkil Mein Pukaro Gay

Tribute To: Eid Milad-Unnabi (S.A.W.)

Mushkil Mein Pukaro Gay Agar Shah-E Madina
Halaat Ki Gerdish Mein Na Aaye Ga Safeena

Ankhon Ko Milein Rauzay Ki Jhilmil K Nazaray
Kub Hoga Muqaddar Mein Wo Din, Saal, Mahina

Allah- Ke Ghar, Rouza-E Aqdas Peh Mein Ja Ker
Aftaar Karun Rozay Padun Naffl-E Shabeena

Woh Gumbad-E Khazra Peh Parindon Ki Udanein
Qudrat Ne Sikha-Ye Jinhein Aadab-O Qareena

Qandeel Jalay Dil Mein Teray Naam Ki Jaisay
Jugmug Kare Tareek Khalaaon Mein Nageena

Dharti Se Nikalti Theen Mehakti Huee Kalyaan
Jiss Jagha Nabi Paak Ka Girta Tha Paseena

Maangi Hein Duaein Keh Wo Taqdeer Ata Ho
Anwaar-E Nabi Se Ho Munawwar Mera Seena