Qalam Waalon Hamaare Dil Ka

Qalam Waalon Hamaare Dil Ka Ye Paighaam Likh Dena
Qayamat Ka Muzaffarnagr Ab Toh Naam Likh Dena

Ke Basti Me Darindon Ki Liya Hai Ji Bohot Din Ab
Naseebe Mein Meri, Qismat, Tu Ek Insaan Likh Dena

Jise Humne Nigahbaan Jaan Kar Saunpi Thi Apni Jaan
Usi Ke Khanjaron Se Aaj Ki Taareek Likh Dena

Jo Laashon Ko Uthaa'te Dil Ka Mere Ye Hua Hai Haal
To Kaandhe Chaar Ab To Bus Mere Bhi Naam Likh Dena

Agar Mil Jaaye, Meri Laash, Sahi-Saalim, Khuda Ka Shukr
Toh Ek Sang-E-Lehad Par Naam Bus Gumnaam Likh Dena

Ke Ye Gumnaam Likhta Hai Jo Hota Hai Zamaane Mein
To Aye Ahl-E-Siyasat Uss Ko Dehshat-Gard Likh Dena