Sans Lete Hue Bhi Darta Hun

Sans Lete Hue Bhi Darta Hun
Ye Na Samjhen Ki Aah Karta Hun

Main To Angrezon Hi Se Darta Hun
Shekh Sahab Khuda Se Darte Hon

Ye Bada Aib Mujh Men Hai Akbar
Sans Leta Hun Baat Karta Hun

Itni Aazadi Bhi Ghanimat Hai
Dil Men Jo Aae Kah Guzarta Hun

Aap Kya Puchhte Hain Mera Mizaj
Shukr Allah Ka Hai Marta Hun

Bahr-E-Hasti Men Hun Misal-E-Habab
Mit Hi Jata Hun Jab Ubharta Hun