Tere Ird Gird Wo Shor Tha

Tery ird gird woh shoor Tha, Meri baat bech me reh gayi
Na me keh saka Na Tu Sun saka, Meri baat bech me reh gayi

Mery dil ko dard sy bhar gaya, Mujhay Be-Yaqeen sa kar gaya
Tera baat baat py tokna, Meri baat bech me reh gayi

Tery shehar me mera humsafer, Woh dukhoon ka jam-e-ghafeer tha
Mujhay rasta nahi mil saka, Meri baat bech me reh gayi

Woh Jo khawab thay meray samnay, Jo saraab thay Meray samny
Me unhein mein aisay ulajh gaya, Meri baat bech men reh gayi

Ajab aik chup C lagi Mujhay, isi aik pal K hisaar men
Hua jis gharri tera samna, Meri baat bech men reh gayi

Kahein be-kinaar thi khahishein, Kahein Be-shumaar Thi uljhanein
Kahein aansuoon Ka hajoom Tha, Meri baat bech me reh gayi

Tha jo shoor meri sadaoon Ka, Meri neem shab Ki duaaon Ka
Hua multaft jo mera KHuda, Meri baat bech men reh gayi

Teri Khirkiyoun py jhukay huey, Kayii phool thay humein deikhtay
Teri chat py chand thehar gaya, Meri baat bech men reh gayi

Meri zindagi me jo log thay, Meray aaas paas sy uth gaye
Me to reh gaya unhein rokta, Meri baat bech men reh gayi

Teri berukhi K hisaar men, gham-e-zindagi K fishaar me
Mera sara waqt nikal gaya, Meri baat bech men reh gayi

Mujhay wehm Tha Tery samnay, Nahi Khul sakay gi Zubaan Meri
So haqeeqtann Bhi wohi hua, Meri baat bech me reh gay