Teri Gali Mein Main Na Chalun Aur Saba Chale

Teri gali men main na chalun aur saba chale
yuun hi khuda jo chahe to bande ki kya chale

kis ki ye mauj-e-husn hui jalva-gar ki yuun
dariya men jo habab the ankhen chhupa chale

ham bhi jaras ki tarah to is qafile ke saath
naale jo kuchh bisat men the so suna chale

kah baithiyo na ‘dard’ ki ahl-e-vafa huun main
us bevafa ke aage jo zikr-e-vafa chale