Tishnaye Deedar e Muhammad

Mai Bhi Hoon Ek Tishna-E-Deedaar, Dekhiye
Meri Taraf Bhi Ahmad-E-Mukhtaar ﷺ, Dekhiye

Qaul O Amal Hai Aap Ka Qur'an Ki Tarah
Aaina Hai Rasool ﷺ Ka Kirdaar, Dekhiye

Hai Haath Mein Kudāl, Kabhi Haath Mein Kaman
Mazdoor Aap, Aap Hi Saalaār, Dekhiye

Mere Nabi ﷺ Ne Dars-E-Masāwāt Ka Diya
Aaqa Ghulaam Ki Girī Deewaar, Dekhiye

Husn-E-Sulook Sarwar-E-Aalam ﷺ Ka Dekh Kar
Padhne Lage Hain Kalma Bhi...

Jannat Ki Mujh Ko Aas, Na Hooron Se Waasta
Unki Gali Ka Main Hoon Talabgaar, Dekhiye

Jaise Hawaayein Phool Ke Chehre Ko Chooti Hain
Aisi Mere Nabi ﷺ Ki Thi Guftaar, Dekhiye

Maangta Hoon Aap Hi Ke Dar Ka, Mere Huzoor ﷺ
Saajid Ki Samt Bhi Kabhi Sarkaar ﷺ, Dekhiye