Tum Hi Arzoo Hamari

Tumhi Aarzo Hamari
Tumhi Aasra Hamara
Sar E Hashr Aap Rakhna
Meri Aabru Khudara

Tumhi Rehmat E Do Aalam
Aur Tumhi Shafi E Mehshar
Mai Sarapa Masiyat Hu
Tumhi Rehmato Ki Dhaara

Meri Zindagi Bhi Tum Ho
Meri Bandagi Bhi Tum Ho
Tumhi Aasra Ho Mera Aaqa
Mujhe Aasra Tumhara

Tum Husool E Mud'daa Ho
Bas Tumhi Se Ilteja Hai
Tumhi Bekaso Ke Waali
Tum Waseela Ho Hamara

Tumhi Arsh Par Nashee'n Ho
Tumhi Farsh Ke Nagee'n Ho
Tumhi Khatme Mursali'n Ho
Tumhi Ho Qutub Sitaara

Na Samajh Saka Hai SAJID
Na To Koi Paa Saka Hai
Ke Hai Kya Maqam Unka
Wo Hai Behr E Be Kinaara