Tund Mein Aur Aise Kamsin Ke Liye

Tund Mein Aur Aise Kamsin Ke Liye
Saqiya Halki Si La In Ke Liye

Mujh Se Rukhsat Ho Mera Ahad-E-Shabab
Ya Khuda Rakhna Na Us Din Ke Liye

Hai Javani Khud Javani Ka Singar
Sadagi Gahana Hai Is Sin Ke Liye

Sab Hasin Hain Zahidon Ko Napasand
Ab Koi Hur Aayegi In Ke Liye

Vasl Ka Din Aur Itna Mukhtasar
Din Gine Jate The Is Din Ke Liye

Sari Duniya Ke Hain Wo Mere Siva
Main Ne Duniya Chod Di Jin Ke Liye

Lash Par Ibarat Ye Kahati Hai ‘Ameer’
Aaye The Duniya Mein Is Din Ke Liye