Zakhm Ab Tak Wahi Seene Mein Liye Phirta Hun

Zakhm Ab Tak Wahi Seene Mein Liye Phirta Hun

kufe walon ko madine mein liye phirta hun

jaane kab kis ki zarurat mujhe par jae kahan

aag aur khak safine mein liye phirta hun

ret ki tarah phisalte hain meri aankhon se

khwab aise bhi khazine mein liye phirta hun

ek nakaam mohabbat mera sarmaya hai

aur kya khak dafine mein liye phirta hun

dil pe likkha hai kisi aur pari-zad ka nam

naqsh ek aur nagine mein liye phirta hun

is liye sab se alag hai meri khushbu 'aami'

mushk-e-mazdur pasine mein liye phirta hun