Zamin Se Uthi Hai Ya Charkh Par Se Utri Hai

Zamin Se Uthi Hai Ya Charkh Par Se Utri Hai

ye aag ishq ki yarab kidhar se utri hai

utarti najd mein kab thi sawari e laila

Tuk aah qais ke jazb e asar se utri hai

nahi nasim e bahaari ye hai pari koi

uran khatole ko thahra jo far se utri hai

na jaan is ko shab e mah ye chandni khanam

kamand e nur pe auj e qamar se utri hai

chalo na dekhen to kahte hain dasht e wahshat mein

junun ki fauj bare karr o farr se utri hai

nahin ye ishq tajalli hai haq taala ki

jo rah zina e baam e nazar se utri hai

libas e ah mein likhne ke waaste 'insha'

qalam dawat tujhe arsh par se utri hai