آؤ کڑے رلِ جھومر پاؤ نیں

آؤ کڑے رلِ جھومر پاؤ نیں
آؤ کڑے رلِ رامُ دھیاؤ نیں ۔
مان لے گلیاں بابلُ والیاں
وتِ ن کھیڈنِ دیسیا ماؤ نیں ۔رہاؤ۔

ساڈا جیؤ ملنُ نوں کردا
سننجا لوک بخیلی کردا ۔
سانوں ملن دا پہلڑا چاؤ نیں

سئیاں وسنِ رنگِ مہلیں
چاؤ جناں دے کھیڈنِ چلی ۔
ہتھِ اٹیرن رہِ گئی چھلی
درِ مکلاؤُ بیٹھے آؤ نیں

اچے پپل پینگھاں پئیاں
سبھ سئیاں مل جھوٹنِ گئیاں ۔
آپو اپنی گئی لنگھاؤ نیں

کہےَ حسین فقیر نمانا،
دنیاں چھوڈِ آخر مرِ جانا ۔
کدی تاں اندرِ جھاتی پاؤ نیں