اتھری جوانی

دوستو تے سجنو سنو میری گل جی
اہخو جیے سناواں گا جے یاد کرو کل جی

بندا سدھا سادہ واں جہان کولوں پوچھ لو
تے دنیا دے ماڈرن ایمان کولوں پوچھ لو

اتھری جوانی تے انھیاں سال سی
دنیا دی ہر شے بڑی با کمال سی

دنیا دی رونقوں نو دیکھ کے میں ڈول گیا
اپنے پرائے کی ساریاں نو بھل گیا

جاندے جاندے راہ وچ بندا اک ملیا
پوچھیا نہ پہالیا تے دل سا توں لیلیا

پیار دے فسانے چھڑے دل دی محبتاں
ہیر رانجا کی سن اونہاں تو وی ود سا

سوچیا مقدراں دے کھیل کہویں ھوندے نے
دلیاں نال دلیاں والے میل کہویں ھوندے نے

رات دی چاندنی تے دں دا خزانہ سی
ھور دساں کی یارو میں او دا دیوانہ سی

ھس ھس ڈارلنگ کیہ کے پکارن لگی
ہتھ وچ ہتھ پھڑے چونڈیاں دی مارن لگی

نیڑے نیڑے ھوکے اوتے اوتے ڈولدی
تے گللاں وچ لا لا کے جیباں نو ٹٹولدی

ویکھ دا سی سن دا سی بول وی نہ سکیا
ماجرہ اے جندھڑی پہلی واری تکیا

پیسے کھڈ لے اوہنے میرے چپ چاپ جی
اوتھے چھڈ مینو جدوں جان لگی اپ جی

ٹا ٹا کر کے سلام مینو کیتا
تے فیر موڑ اوہنے کلام وی نہ کیتا

لوکاں نو سنایا تے کہندے اے فسانہ ھے
چلو یارو چلیے لگدا کوئی دیوانہ ھے

تے سوچ دا سی بار بار گھر کی میں دساں گا
ابا جدو مارے گا تے کہڑے پاسے نساں گا