ارض و سما کے مالک

ارض و سما کے مالک
 عفو و عطا کے مالک 
تعریف کروں کیسے 
حمد و ثنا کے مالک 
انداز نرالے سب
 بحر و خلا کے مالک 
محتاج یہ بندے ہم
 جود و سخا کے مالک 
دے بخش گناہوں کو
 عدل و سزا کے مالک
 یہ سست روی نکلے
 کرم و جلا کے مالک
 ہے عکس جھلکتا بھی
 صبر و رضا کے مالک
 رنگین حسیں منظر 
شمس و ضیا کے مالک
 ہو صبح یہ شامیں جو
 سحر و صبا کے مالک
 مقصد ہے عبادت ہی 
فکر و حیا کے مالک
 چکھنا ہے مزا اک دن
 موت و فنا کے مالک
 توفیق سدا مل جائے
 قدر و قضا کے مالک
 ٹھنڈی بھی ہوا چلتی 
نہر و صفا کے مالک
 آباد ہمیں رکھیو
 رحم و شفا کے مالک
 اک آس رہے ناصر
خیر و جزا کے مالک