اساں طلب سائیں دے نام دی
Poet: شاہ حسین By: Sohaim, Lahore
چور کرن نِت چوریاں
عملی نُوں عملاں دی گھوڑیاں
کامی نُوں چِنتا کام دی
اساں طلب سائیں دے نام دی
پاتشاہاں نُوں پاتشاہیاں
شاہاں نُوں اُگراہیاں
مہر نُوں پِنڈ گراؤں دی
اساں طلب سائیں دے نام دی
اِک بازی پائیاں سائیاں
اِک اچرج کھیل نباہیاں
سبھ کھیڈ کھیڈ گھر آؤندی
اساں طلب سائیں دے نام دی
لوک کرن لڑائیاں
شرم رکِھیں تُوں سائیاں
سبھ مر مر خاک سماؤندی
اساں طلب سائیں دے نام دی
اِک شاہ حسین فقیر ہے
تُسیں نہ کوئی آکھو پیر ہے
اساں کُوڑی گلّ نہ بھاؤندی
اساں طلب سائیں دے نام دی
Rate it: 
Views: 916
23 Jan, 2021
More Shah Hussain Poetry
