اک دوجے سنگ سنگ رہنا چنگا لغنا سی
Poet: گل زیب انجم By: گل زیب انجم, Dubaiاک دوجے سنگ سنگ رہنا چنگا لغنا سی
اک دوجے دی خاطر دکھ سکھ سہنا چنگا لغنا سی
تُپ شُپ نی پروا سی کس کی
کڑکنے دوپہراں باھر رہنا چنگا لغنا سی
اللہ جانے کہہ گلاں اس ویلے وچ
کہ اُس ویلے ناں ہر ہر پل چنگا لغنا سی
ایویں تے باہوں جغاں سن بہھن لئی
پر سکولے نیاں راں وچ بہنا چنگا لغنا سی
اج پتا نئیں کیڑی گل ے مونہہ پیھری تے لنگی گئے
جنھاں کی کھلی کھلی تے تکنا چنگا لغنا سی
خورے کیڑے ظالمے کھوی کیندا او پھہل
جس کی تکنا ہر کسے کی چنگا لغنا سی
Rate it: 
Views: 480
26 Jun, 2014
More Friendship Poetry
