Add Poetry

اگرچہ کمرے میں اندھیرا تھا بہت

Poet: سعید شارق By: farah, Lahore
Agarchay Kamray Mein Andhera Tha Bohat

گرچہ کمرے میں اندھیرا تھا بہت
میں نے ہونٹوں سے اُسے دیکھا بہت

کب تلک آباد رہتیں کشتیاں
مجھ میں دریا کم تھے اور صحرا بہت

آئنہ دیکھا تو مایوسی ہوئی
میں تو اب بھی ویسا ہوں تھوڑا بہت

اک خزانہ جو کبھی تھا ہی نہیں
کر گیا آخر مجھے گہرا ، بہت

میں بھی جانے کتنا مل پایا اُسے
کیا غرض وہ مجھ کو کم ہے یا بہت

مجھ پہ کوئی رنگ و روغن کیا کرے!
کام کم ہوتا ہے اور خرچہ بہت

Rate it:
Views: 826
28 Dec, 2020
More Saeed Shariq Poetry
مسند عشق ہماری ہے نہ وحشت اپنی ﻣﺴﻨﺪ ِ ﻋﺸﻖ ﮨﻤﺎﺭﯼ ﮨﮯ’ ﻧﮧ ﻭﺣﺸﺖ ﺍﭘﻨﯽ
ﮐﻮﻥ ﭼﻠﻨﮯ ﺩﮮ ﺳﺮ ِﺩﺷﺖ ﺣﮑﻮﻣﺖ ﺍﭘﻨﯽ
ﺍﭘﻨﮯ ﺟﯿﺴﺎ ﮐﻮﺋﯽ ﺍﻧﺴﺎﻥ ﺗﻮ ﻣﻠﻨﮯ ﺳﮯ ﺭﮨﺎ
ﻣَﯿﮟ ﺑﮭﻼ ﮐﺲ ﭘﮧ ﺟﺘﺎؤﮞ ﮔﺎ ﻣﺤﺒّﺖ ﺍﭘﻨﯽ
ﮐﺎﺭ ِ ﺩﺷﻮﺍﺭ ﻧﮩﯿﮟ ﺧﻮﺍﺏ ﻧﮕﺎﺭﯼ ﻟﯿﮑﻦ
ﮐﻮﺭ ﭼﺸﻤﯽ ﺳﮯ ﺑﮭﯽ ﮐﭽﮫ ﮐﻢ ﮨﮯ ﺑﺼﺎﺭﺕ ﺍﭘﻨﯽ
ﺩﻝ ﭘﮧ ﺗﻘﻠﯿﺪ ِ ﻏﻢ ِ ﺭﻓﺘﮧ ﻣﯿﮟ ﺍُﺗﺮﺍ ﮨﮯ ﻣﻼﻝ
ﯾﮧ ﭘﯿﻤﺒﺮ ﮐﮩﺎﮞ ﻻﯾﺎ ﮨﮯ ﺷﺮﯾﻌﺖ ﺍﭘﻨﯽ
ﮐﭽﮫ ﺗﻮ ﺍِﻥ ﮈﻭﺑﺘﯽ ﺳﺎﻧﺴﻮﮞ ﮐﺎ ﺑﮭﺮﻡ ﺭﮦ ﺟﺎﺋﮯ
آﭖ ﮐﺮﻧﮯ ﭼﻼ آﯾﺎ ﮨﻮﮞ ﻋﯿﺎﺩﺕ ﺍﭘﻨﯽ
ﻧﯿﻨﺪ ﮐﮯ ﺍﯾﮏ ﮨﯽ ﺟﮭﻮﻧﮑﮯ ﺳﮯ ﻣﮑﺎﮞ ﭨﻮﭦ ﮔﯿﺎ
ﻣَﯿﮟ ﻧﮯ ﺍٓﻧﮑﮭﻮﮞ ﭘﮧ ﮐﮭﮍﯼ ﮐﯽ ﺗﮭﯽ ﻋﻤﺎﺭﺕ ﺍﭘﻨﯽ
ﺑﺲ ﯾﮩﯽ ﺳﻮﭺ ﮐﮧ ﺭﮐّﮭﺎ ﮨﮯ ﺑﭽﺎ ﮐﺮ ﺧﻮﺩ ﮐﻮ
ﮐﯿﺎ ﺧﺒﺮ ﮐﺐ ﻣﺠﮭﮯ ﭘﮍ ﺟﺎﺋﮯ ﺿﺮﻭﺭﺕ ﺍﭘﻨﯽ
ﮨﺎﺋﮯ ﺍﻓﺴﻮﺱ ! ﮐﻮﺋﯽ ﭨﻮﮐﻨﮯ ﻭﺍﻻ ﮨﯽ ﻧﮩﯿﮟ
ﻻﮐﮫ آﺋﯿﻨﮯ ﺳﮯ ﮐﺮﺗﺎ ﮨﻮﮞ ﺷﮑﺎﯾﺖ ﺍﭘﻨﯽ
ﻋﯿﻦ ﻣﻤﮑﻦ ﮨﮯ ﮐﺴﯽ ﺭﻭﺯ ﺍﻣَﺮ ﮨﻮ ﺟﺎؤﮞ
ﺭﻭﺡ ﮐﮯ ﮨﺎﺗﮫ ﻣﯿﮟ ﺩﮮ ﺩﯼ
ﮨﮯ ﻧﻈﺎﻣﺖ ﺍﭘﻨﯽ
ﻭﮦ ﺑَﮧ ﺗﺪﺭﯾﺞ ﮨﭩﺎﺗﺎ ﮔﯿﺎ ﻧﻈﺮﯾﮟ’ ﺷﺎﺭﻕؔ !
ﻣﺮﺣﻠﮧ ﻭﺍﺭ ﺑﮕﮍﺗﯽ ﮔﺌﯽ ﺻﻮﺭﺕ ﺍﭘﻨﯽ
Anila
Popular Poetries
View More Poetries
Famous Poets
View More Poets