اے میرے خدا۔۔۔۔۔۔۔۔اے میرے خدا

ہر کل میں تو موجود بھی یر کل سے تو یکسر جدا
ہر کلی کلی تیرا حسن ھے ہر گلی گلی ھے تیری ضیاء

اے میرے خدا۔۔۔۔۔۔۔۔اے میرے خدا

مہر و ماہ ستارے و کہکشاں ہو کلی شجر یا ہو گلستاں
تہہ بحر ہو کہ ہو کوہ ستاں تیرا ذکر ملتا ھے جا بجا

اے میرے خدا۔۔۔۔۔۔۔۔اے میرے خدا

یہ جو بر پہ کیڑے ہیں رینگے وہ جو پتھروں میں مکین ہیں
ہیں جو پانیوں میں چھپے ہوئے ان سب کو دیتا ھے تو غزا

اے میرے خدا۔۔۔۔۔۔۔۔اے میرے خدا

میرا علم میری بساط کیا میرا جسم کیا میری ذات کیا
کروں حمد میری اوقات کیا یہ زرین پہ ھے تیری خاص عطا

اے میرے خدا۔۔۔۔۔۔۔۔۔اے میرے خدا