اے ہمارے رب اے ہمارے پروردگار

اے ہمارے رب کریم اے ہمارے پروردگار
تیری عنایت بےحساب تیری رحمت بےشمار

غربت ہو یا تنگدستی ہو کلفت ہو یا اذیت ہو
تیرا ذکر تیری عبادت دل کا سکون دل کا قرار

عزت دولت شہرت رتبہ مہر و الفت کی خوشیاں
تیری رحمت کے صدقے میں ہمیں پایا ہے ہر بار

تو ہی سب کا مولا ہے تو ہی سب کا داتا ہے
کون ہے جو تیری ہستی سے کر پائے انکار

تو ہی خالق تو ہی مالک تو ہی تو رکھوالا ہے
ہم تیرے بندے ہیں مولا ہم کو ہے اقرار

ہم ادنیٰ تو اعلیٰ ہے تو سب کی سننے والا ہے
ہم نے خود پہ ظلم کیا پر تو نے کیا ہے پیار

دیکھنے والا جاننے والا وہ ہے بخشنے والا ہے
ایک ہی مالک ایک ہی رازق ہر سو ہے یہی پکار

اے ہمارے رب کریم اے ہمارے پروردگار
تیری عنایت بےحساب تیری رحمت بےشمار