بجلی کا بحران

سرد ہوائیں رخصت ہوئیں اور گرمی کا استقبال ہوا
چائے کافی کو کیا بائے بائے شروع شربت کا استعمال ہوا

پر ہائے ری قسمت برف اور اے سی کی ٹھنڈک خواب ہوئی
لوڈ شیڈنگ کی مہربانی سے اب تو جینا ہی محال ہوا

جیب کا وزن گھٹتا جاتا ہے اور بل کا بڑھتا جاتا ہے
پھر بھی یارو تاریکی اور اندھیرا ہی اپنا حال ہوا

یو پی ایس اور جینریٹر والوں کے ہوئے وارے نیارے
اس پر پیٹرول کی قیمتوں میں بھی کمال ہوا

کے ای ایس سی اور واپڈا کی جنگ میں نہ پوچھو پیاروں
بے چارے شہریوں کے صبر و تحمل کا خوب استحصال ہوا

گھڑی تکتے رہتے ہیں رات دن صبح و شام
ہائے بلب جلنے کا انتظار تو جیسے پورا سال ہوا

ہم نے تو اب مان لیا ہے آخر اے عثمان
دنیا میں حکومتوں کی طرح بجلی کو بھی زوال ہوا