بھینی خوشبو

 جشن آمد رسول ِمنایا کرو انوار کی بارش برستی ہے
محفل ِمیلاد میں آنے والوں کی قسمت روز سنورتی ہے

دامن خالی لے آتے ہیں جھولیاں بھر بھر جاتے ہیں
نہیں گیا محروم کوئی کبھی تقدیر ہزاروں کی بدلتی ہے

ملیں گی تمہیں برکتیں بڑی ٹلیں گی مشکلیں کڑی کڑی
ذکر ِنبی کا اعجاز ہے آتش ِعشق اور بڑھکتی ہے

مطلوب ہے جسے راحت ِ جاں خلوص سے وہ بیٹھے یہاں
رہتے ہیں مضطرب بتاﺅ انہیں تسکین دلوں پر اترتی ہے

لائیں گے تشریف پیارے مصطفی راضی ہوجائے گا کبریاء
ہوتے ہیںشامل اولیاءبھی جماعت فرشتوں کی اترتی ہے

قائم رہے محفل کی آبرو ادب سے بیٹھے رہیے باوضو
درود سلام کی گونج میں بھینی بھینی خوشبو بکھرتی ہے

پھرتے ہیں جتنے صاحب کدورت نہیں ہمیں کسی کی ضرورت
ثناءخوان ِ مصطفی ہوں صدیق دنیا مجھے کیا سمجھتی ہے