تتلی سے دوستی نہ گلابوں کا شوق ہے

Poet: اویس By: اویس, Jhelum

تتلی سے دوستی نہ گلابوں کا شوق ہے
میری طرح اسے بھی کتابوں کا شوق ہے

ورنہ تو نیند سے بھی نہیں کوئی خاص ربط
آنکھوں کو صرف آپ کے خوابوں کا شوق ہے

ہم عاشق غزل ہیں تو مغرور کیوں نہ ہوں
آخر یہ شوق بھی تو نوابوں کا شوق ہے

اس شخص کے فریب سے واقف ہیں ہم مگر
کچھ اپنی پیاس کو ہی سرابوں کا شوق ہے

گرنے دو خود سنبھلنے دو ایسے ہی چلنے دو
یہ تو چراغؔ خانہ خرابوں کا شوق ہے

Rate it:
Views: 7
18 Nov, 2026
More Charagh Sharma Poetry