تم ہومیرا پیار سجن

تم ہومیرا پیار سجن
من سے ہے اقرار سجن
‏
تم ہو ساگر ، یار سجن
مجھ کو لگا دو پار سجن
‏
تم کشتی ، تم ہی پتوار
تم ہی کھیون ہار سجن
‏
جیون تو ہے دکھ کی دھوپ
تم ہو شجر چھتنار سجن
‏
میرے اور تمہارے بیچ
کوئی نہیں دیوار سجن
‏
تم بندیا ، تم کاجل ہو
تم ہو روپ سنگھار سجن
‏
آنکھیں ہر پل مانگے ہیں
تیرا ہی دیدار سجن
‏
میرے من کے باغ میں ہے
تیری ہی مہکار سجن
‏
تیری راہ میں مٹنا ہے
کچھ بھی کہے سنسار سجن
‏
‏صرف تمہاری ہے صدف
رکھنا تم "اتبار" سجن