تیری کس نعمت کا شکر ادا ہو

تیری کس کس نعمت کا ہو شکر ادا
یہ کیا کم کہ مسلمان کے گھر پیدا کیا

امتوں میں سب سے عظیم امت میرے نبی پاک کی
مجھ جیسے حقیر کو بن مانگے نبی کا امتی کیا

تیرا یہ احسان ہی کیا کم تھا حضرت انسان پر
کہ مخلوق میں، اشرف المخلوقات کا خطاب دیا

سننے کو کان دیئے، سونگھنے کو ناک دی
دیکھنے کو آنکھ دی، سوچنے کو دماغ دیا

ہاتھ، پاؤں دیئے،انگلیاں دیں، بولنے کو زبان دی
بازو دیئے، ٹانگیں دیں اور خوبصورت چہرہ دیا

پورا جسم ہی تیری نعمتوں کا عکس ہے اور پھر
چاہنے والے پیدا کئے، پیار کرنے والا دل بھی دیا

میرے رب میں تیرا شکر بجا لا سکتا ہی نہیں
میں بندہ گنہگار پھر بھی تو نے مجھے سب کچھ دیا