تیری یاد کے دیے جلائے بیٹھی ہوں

تیری یاد کے دیے جلائے بیٹھی ہوں
کب لوٹ آؤ، آس لگائے بیٹھی ہوں
‏
تجھ سے بچھٹرے یوں تو صدیاں بیت چکی
پھر بھی دل کی راہ سجائے بیٹھی ہوں
‏
پھولوں کی رت گھرکا رستہ بھول گئی
کانٹوں کے انبار لگائے بیٹھی ہوں
‏
روح پہ طاری ہونے لگی صدموں سے تھکن
کرچی کرچی خواب اٹھائے بیٹھی ہوں
‏
سکھ کا سورج اس جانب کب نکلےگا
کب سے دکھ کے سائے سائے بیٹھی ہوں
‏
درد کا دل تو بڑھا ہوا ہے آج صدف
میں ہونٹوں پر مہر لگائے بیٹھی ہوں