جاگیاں یار جے ملنے ہوندے
Poet: پروفیسر اکرم ثاقب By: پروفیسر اکرم ثاقب, Pasniجاگیاں یار جے ملنے ہوندے
عاشق فیر مول ناں سوندے
قدر سدراں دی جے ہوندی
مل فیر دلاں دے پوندے
راہوں پیار دیاں ہی مل کے
راہوں پیار دیاں وچ روندے
قدر بندے دے پچھانن والے
بندے تھوڑے تھوڑے ہوندے
رب دے دتیاں بندہ رجدا
رب دے ہی در تے کھلوندے
رتاں آنی جانی شئے نیں
بندے بوہے کدی نئیں بھوندے
ویکھ کے یاری لائیں ثاقب
یاریاں وچ بندے کرلاؤندے
Rate it: 
Views: 10
12 Feb, 2025
More Punjabi Poetry
