جب رخ حسن سے نقاب اٹھا
Poet: Ehsan Danish By: luqman, khi
جب رخ حسن سے نقاب اٹھا
بن کے ہر ذرہ آفتاب اٹھا
ڈوبی جاتی ہے ضبط کی کشتی
دل میں طوفان اضطراب اٹھا
مرنے والے فنا بھی پردہ ہے
اٹھ سکے گر تو یہ حجاب اٹھا
شاہد مئے کی خلوتوں میں پہنچ
پردۂ نشۂ شراب اٹھا
ہم تو آنکھوں کا نور کھو بیٹھے
ان کے چہرے سے کیا نقاب اٹھا
عالم حسن سادگی توبہ
عشق کھا کھا کے پیچ و تاب اٹھا
ہوش نقص خودی ہے اے احسانؔ
لا اٹھا شیشۂ شراب اٹھا
Rate it: 
Views: 1486
28 Jul, 2017
More Ehsan Danish Poetry
