جینے کے آداب

ہمیں زندگی کے اسرار و رموز بتائے کملی والے نے
ہم سب کو جینے کے آداب سکھائے کملی والے نے

الله اور بندے کے درمیاں ربط نا ممکن تھا
اپنے الله سے لو لگانے کے راستے دکھائے کملی والے نے

صراط مستقیم کو بھلا بیٹھی تھی ساری دنیا
مصنوعی خداؤں کے تمام بت مٹائے کملی والے نے

اپنے پیار و محبت بھرے برتاؤ سے متاثر کر کے
لاکھوں کافر مسلماں بنائے کملی والے نے

مشرکین مکہ بتوں کے نام جپتے رہتے تھے
الله کے پیارے نام انہیں سکھائے کملی والے نے