حسن انتخاب

رحمت دوجہاں بن کے آئے جنابِ رسول
ملا ہے نہ ملے گا کسی کوجوابِ رسول

عین اسلام ہی ہیں نبی کے افعال واقوال
سنت ہیں افعال محبوب حدیث ہیں خطابِ رسول

آیا ہے نہ آئے گا اس طرح کبھی
آیا ہے جس طرح دلوں میں انقلابِ رسول

بھیجوں گا براق تیری امت کیلئے بھی
رب فرمایادیکھ کرشب معراج اضطرابِ رسول

تائید میں عمرکی نازل ہوئیں آیات قرآن پاک
کیا ہی خوب ہے یہ حسن انتخابِ رسول

شامل ہیں جس میں سب معاملات دین ودنیا
اعلیٰ ہے سب نصابوں میں یہ نصابِ رسول

ختم ہوگئے دنیاسے جہالت کے اندھیرے
طلوع ہواجب اس دنیامیں آفتابِ رسول

سرکارکے قرب سے ملا ہے یہ مقام
افضل ہیں بعد انبیاء کرام کے اصحابِ رسول

تخلیق آدم سے پہلے ہوئی تخلیق نورمصطفی
تازہ ہے یوں ہی رہے گا شبابِ رسول

سوارہوتے رہے دوش نبوت پرحسنین کریمین
نورنظرہیں حیدروبتول کے نوابِ رسول

زبان مصطفی سے کرایااعلان توحیداللہ نے
سکھلائے ہیں قرآن پاک میں صدیقؔ آدابِ رسول