حسین درس ہے انسانیت کا

حسین خون رگ مصطفے ہے
حسین عزم دم حیدری ہے
بنائے لا الہ الا الله ہے
حسین عشق کی تابندگی ہے
صبح حیات کی روشن کرن ہے
حسین ناز رخ زندگی ہے
نماز عشق ہے ہر سانس اسکی
حسین اوج ذوق بندگی ہے
حسین غیرت انساں کا مظہر
حسین روح کی پائیندگی ہے
حسین عزم و ہمت کی نشانی
حسین عظمت آل نبی ہے
حسین داعی ء پیغام احمد
حسین بازوئے مولا علی ہے
حسین زینہ ء شہر حقیقت
حسین فاطمہ کی روشنی ہے
حسین نام ہے حقانیت کا
حسین درس ہے انسانیت کا