حق دا نعرہ وَجنا حق اے
Poet: By: Tariq Iqbal Haavi, Lahoreحق دا نعرہ وَجنا حق اے
ظالم اَگے گجنا حق اے
چُپ جے سادھی جابر اَگے
تِیر تینوں وی وَجنا حق اے
یتیماں دا جے پِنڈا ڈھکیا
فیر تیرا وی سجنا حق اے
گیم شو وِچ کاراں ونڈن
دِھی ماڑے دی کجنا حق اے
گوانڈھی جے نہیں بھُکھے سُتے
بندیا تیرا رجنا حق اے
جے توُں ماپے راضی رکھے
سجناں دا وی سجنا حق اے
مار کے بندیا حق کسے دا
جے کریں تُوں حج، ناحق اے
Rate it: 
Views: 881
16 Jun, 2021
More Punjabi Poetry
