خاص کرم

بلند ہیں رہیں گے رتبے تمہارے یارسول اﷲ
بناتے ہیں بگڑی آپ کے اشارے یارسول اﷲ

خاص کرم ہے آپ کاکہ بچالیاہمیں
کھڑے تھے ہم جہنم کے کنارے یارسول اﷲ

کوئی کمی نہیں رہتی دونوں جہاں میں اسے
نصیب جس کے آپ نے سنوارے یارسول اﷲ

اﷲ کی عطاء سے کرتے ہوتقسیم نعمتیں
بھرے ہی رہتے ہیں دامن ہمارے یارسول اﷲ

آرزوہے سب غلاموں کی فقط ایک یہی
دیکھیں آنکھوں سے مدینے کے نظارے یارسول اﷲ

کامیاب ہے مسلمان وہ محبت میں آپ کی
ایام زندگی جس نے ہیں گزارے یارسول اﷲ

بنائی ہے کائنات اﷲ نے تیرے نورسے
روشن ہیں شمس وقمراورستارے یارسول اﷲ

گرانہیں سکتی کوئی طاقت انہیں د نیاکی
حاصل ہیں جنہیں آپ کے سہارے یارسول اﷲ

دے کرعظیم قربانیاں حسین ابن حیدرنے
میدان کربلامیں ہیں قرض اتارے یارسول اﷲ

مل جائے شفاعت جسے محشرمیں آپ کی
ہوں گے اس کے وارے نیارے یارسول اﷲ

ہوجائیں گی مشکلیں آسان صدیقؔ اس کی
محبت میں دل سے جوپکارے یارسول اﷲ