خدا مجھ پر بھی وقت سعد لائے
Poet: شیخ صدیق ظفر By: Bakhtiar Nasir, Lahoreخدا مجھ پر بھی وقت سعد لائے
مری نس نس میں اللہ سمائے
خدا کے فضل سے ہو قلب جاری
زباں پر بھی خدا کا نام آئے
خدا بیدار کر دے بخت میرے
مرا سویا نصیبہ بھی جگائے
ہے ویراں جس کسی کا خانئہ دل
خدا کی یاد سے دل کو سجائے
خدا کا ذکر ہو جس گھر میں پیہم
سدا ابر کرم اس گھر پہ چھائے
مری فریاد پہنچائے خدارا
خدا کے گھر جو عاشق زار جائے
ظفر! الطاف محبوب خدا کے
رہیں قائم سدا امت پہ سائے
Rate it: 
Views: 735
16 May, 2021
More Religious Poetry
