دل_ نادان رہتا ہے بہت بے کل تمہارے بعد

دل_ نادان رہتا ہے بہت بے کل تمہارے بعد
ہوئی پھرتی ہوں اپنی کھوج میں پاگل تمہارے بعد
‏
بندھا تھا ضبط‎ ‎کی ڈوری سے جو پلکوں کے دامن میں
بہت ہی ٹوٹ کر برسا ہے وہ بادل تمہارے بعد
‏
وہ خوشیاں اور ساری رونقیں تم سے تھیں وابستہ
نہیں ہے زندگی میں اب کو ئی ہلچل تمہارے بعد
‏
تمہارے بعد کی ہر شام ویرانی میں لپٹی ہے
مجھے تو شہر بھی لگتا ہے اب جنگل تمہارے بعد
‏
جو تم ہم راہ تھے تو زندگی آسان لگتی تھی
‏ہر اک رستا ہوا جاتا ہے اب دلدل تمہارے بعد
‏
نہیں ہو تم تو جیسے وقت کی گردش بھی ساکت ہے
صدی لگنے لگا ہے ، اپنا ہر اک پل تمہارے
‏
نمی رہنے لگی ہے میری آنکھوں میں صدف اکثر
بھلا کیسے رہے آنکھوں میں اب کاجل تمہارے بعد