دنیا میں وہی لوگ برے ہیں جو بھلے ہیں
Text size
دنیا میں وہی لوگ برے ہیں جو بھلے ہیں
ڈھونڈو گے اندھیرے تو چراغوں کے تلے ہیں
چھوڑا نہ گیا دھوپ میں جس پیڑ کا سایا
آندھی میں اسی پیڑ سے ہم بچ کے چلے ہیں
یہ دیکھیے پھر بھی نہ بدل پائی یہ دنیا
لوگوں نے تو بھولوں پہ بہت ہاتھ ملے ہیں
وہ بھی تو ہمیں چھوڑ کے رخصت ہوئے کب کے
ہم جن کے اندھیروں میں چراغوں سے جلے ہیں
اونچائیاں حاصل ہوئیں تقدیر سے جن کو
اک روز وہ سب لوگ بھی سورج سے ڈھلے ہیں
تقدیر نے ان کو بھی ستاروں پہ بٹھایا
پروازؔ جو انسان غریبی میں پلے ہیں