دوست میرے پیاروں کو عید مبارک ہو

دوست سب احباب پیاروں کو مبارک عید ہو
بہن بھائی میرے یاروں کو مبارک عید ہو

ساتھ میرا دیتے ہیں جو ہر مصیبت میں سدا
میرے پیارے رشتہ داروں کو مبارک عید ہو

میرے مخلص چاہنے والے بہت ہی ہیں ادھر
پیار کرنے والے , ساروں کو مبارک عید ہو

میرے بیٹے میرے بھائی اور میری بیٹیاں
جان سے میرے دلاروں کو مبارک عید ہو

پھول گلشن میں کھلیں منظر حسیں ہوں ہرطرف
آتی ہوئی ان بہاروں کو مبارک عید ہو

رونقیں ہیں اس جہاں کی ہیں حسیں تو خوب تر
خوبصورت چاند تاروں کو مبارک عید ہو

اپنے بیگانے مصائب میں جو ہوئے مبتلا
غم کے ان شہزاد ماروں کو مبارک عید ہو