دینہہ ہووے دوپہر تاں آوے رانجھا اتے اودھروں ہیر بھی آؤندی ہے
Poet: Waris Shah By: obaid, khi
دینہہ ہووے دوپہر تاں آوے رانجھا اتے اودھروں ہیر بھی آؤندی ہے
ایہہ مہیں لیا بہاؤندا اے اوہ نال سہیلیاں لیاؤندی ہے
اوہ ونجھلی نال سرود کردا ایہہ نال سہیلیاں گاؤندی ہے
کائی زلف نچوڑدی رانجھنے تے کائی آن گلے نال لاؤندی ہے
کائی چمبڑے لک نوں مُشک بوری کائی مُکھ نوں مُکھ چھوہاؤندی ہے
کائی ''میری آں'' آکھ کے بھج جاندی مگر پَوے تاں ٹُبیاں لاؤندی ہے
کائی آکھ دی ماہیا ماہیا وے تیری مَجھّ کٹی کٹا جاؤندی ہے
کائی مامڑے دیاں خربوزیاں نوں کوڑے بکبکے چابناؤندی ہے
کائی آکھدی ایڈی ہے رانجھیا وے، مار باہلی پار نوں دھاؤندی ہے
کتے تاریاں ترن چوا کر کے اک چھال گھڑم دِی لاؤندی ہے
مُردے تاریاں ترن چوپھال پے کے کوئی نول نسل رُڑھی آؤندی ہے
اِک شرط بدھی ٹبی مار جائے تے پتال دی مٹڑی لیاؤندی ہے
اِک پین تے قاز چترانگ ہو کے سُر خاب تے کونج بن آؤندی ہے
اِک ڈھینگ مرغابی تے بنے بگلا اک کُکلا ہو دکھاؤندی ہے
اِک وانگ ککوہیاں سنگھ ٹڈے اِک اُوت دے وانگ بلاؤندی ہے
اوگت بولدی اک ٹیٹہری ہو اک سنگ جلکاونی آؤندی ہے
اک لدھر ہوئی کے کڑکڑاوے اِک ہو سنسار شوکاؤندی ہے
اِک دیہہ پسلیٹیاں ہو بُلھن مُشک وانگروں اوہ پھوکاؤندی ہے
ہیر ترے چوطرف ہی رانجھنے دے موری مچھلی بن بن آؤندی ہے
آپ بنے مچھلی نال چاوڑاں دے مئیں رانجھے نوں کُرل بناؤندی ہے
ایس تخت ہزارے دے ڈمبڑے نوں رنگ رنگ دیاں جالیاں پاؤندی ہے
وارثؔ شاہ جٹی ناز نیاز کر کے نِت یار دا جیو پرچاؤندی ہے
دسمبرآنسوئوں میں بہہ گیا ہے
یہ دل خاموش ہو کر رہ گیا ہے
نا جانے آج وہ کیا کہہ گیا ہے
یہ آنکھیں ہیں ہماری کتنی گہری
سمندر میں سمندر بہہ گیا یے
تمہارے ساتھ وابستہ تھا سب کچھ
سواَےَ یاد کے کیا رہ گیا ہے
پلٹ کر دیکھنے پر ہم نے جانا
دل نادان کیا کیا سہہ گیا ہے
بہت بھیڑ ہے بازاروں میں لیکن
تیرا ارشد اکیلا رہ گیا ہے۔
