ذکر کرتی رہے زباں تیرا
Poet: پروفیسر ڈاکٹر مجیب ظفر انوار حمیدی By: پروفیسر ڈاکٹر مجیب ظفر انوار حمیدی, کراچیذکر کرتی رہے زباں تیرا
لب پہ ہر دم رہے بیاں تیرا
گرچہ تیرا نشاں نہیں کوئی
ہے مگر ہر جگہ نشاں تیرا
تیری قدرت سے کچھ نہیں باہر
ہے مکاں تیرا ، لامکاں تیرا
میری معراج ہے فقط اس میں
ہو جبیں میری ، آستاں تیرا
تیری جانب سے خیروشر کا وجود
ہر یقیں تیرا ، ہر گماں تیرا
راہ نما تُو ہی ہر سفر میں ہے
منزلیں تیری ، آستاں تیرا
بات بن جائے گی حمیدی کی
لب پہ ہر دم رہے بیاں تیرا
Rate it: 
Views: 1140
22 Oct, 2012
More Religious Poetry
